Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Вядомы склад журы паэтычнага конкурса ТБМ “Быў нейкі зусім незвычайны дзень”

Падыходзіць да заканчэння тэрмін прыёму работ паэтычнага конкурсу “Быў нейкі зусім незвычайны дзень”.

Таму абвяшчаем склад журы, якое будзе выбіраць пераможцаў: Аляксандр Давідовіч (старшыня журы), старшыня Мінскай гарадской арганізацыі ТБМ; Святлана Багданкевіч, паэтэса; Алесь Гібок-Гібкоўскі, паэт; Віка Трэнас, паэтэса; Усевалад Сцебурака, паэт.

Сябры, яшчэ ёсць час каб паўдзельнічаць у конкурсе.

2016.07.11 0

Першы пікет па зборы подпісаў за вылучэнне Алега Трусава кандыдатам у дэпутаты адбыўся 7 ліпеня

Першы пікет па зборы подпісаў за вылучэнне Алега Трусава кандыдатам у дэпутаты ў Чкалаўскай выбарчай акрузе №96 адбыўся 7 ліпеня (здымкі Міколы Лавіцкага з пікета). 

 
На наступных пікетах можна будзе паразмаўляць з самім Алегам Трусавым і падпісацца за яго. Пікеты адбудуцца:


11 ліпеня з 17-ці да 19-ці гадзін па адрасе: Мінск, вул. Жукоўскага, 3 (каля крамы “ГІПА”) і

21 ліпеня з 17-ці да 19-ці гадзін па адрасе: Мінск, вул. Магілёўская, 12 (каля ўніверсама “Магілёўскі”).

2016.07.08 0

Адказ Старшыні Цэнтральнай камісіі Беларусі па выбарах аб адсутнасці беларускамоўнай версіі сайта камісіі

Нядаўна ТБМ даслала ліст у Цэнтральную камісію Рэспублікі Беларусь па выбарах і правядзенню рэспубліканскіх рэферэндумаў, дзе запытвала пра адсутнасць беларускамоўнай версіі сайта камісіі. Далёй можна цалкам прачытаць адказ ад Старшыні камісіі спн. Лідзіі Ярмошынай.

2016.07.07 2

Зварот старшыні Мінскай гарадской арганізацыі ТБМ Аляксандра Давідовіча да сяброў ТБМ

Без дзейнай падтрымкі сваіх сяброў любая грамадская арганізацыя не можа дасягнуць пастаўленых перад ёю задач. Праявіце, калі ласка, больш актыўнасці да наступных ініцыятыў. І тады беларускай мовы стане болей у нашым з вамі штодзённым жыцці. Цалкам тэкст зварота можна прачытаць далей.

2016.07.07 0

За змены разам!

Зварот Алега Трусава да выбаршчыкаў 96-й акругі Кастрычніцкага раёна г. Мінска (гэта частка Кастрычніцкага раёна ад чыгуначнага вакзала да р. Лошыца).

2016.07.06 0

Да ўвагі выбаршчыкаў Чкалаўскай выбарчай акругі №96

Пікеты па зборы подпісаў за вылучэнне Алега Трусава кандыдатам у дэпутаты ў Чкалаўскай выбарчай акрузе №96 адбудуцца:

11 ліпеня з 17-ці да 19-ці гадзін па адрасе: Мінск, вул. Жукоўскага, 3 (каля крамы “ГІПА”) і

21 ліпеня з 17-ці да 19-ці гадзін па адрасе: Мінск, вул. Магілёўская, 12 (каля ўніверсама “Магілёўскі”).

2016.07.06 0

Фотаконкурс "Мой Максім Багдановіч”

Літаратурны музей Максіма Багдановіча прапаноўвае прыняць удзел у фотаконкурсе “Мой Максім Багдановіч”. Для ўдзелу ў конкурсе прадстаўляюцца дакументальныя і мастацкія фотаработы, выкананыя ў розных тэхніках.

2016.07.06 0

Прапанова ТБМ да Года культуры падтрымана

ТБМ накіравала ў Мінкульт прапанову ўстанавіць мемарыяльныя дошкі ў гонар беларускіх рэстаўратараў-архітэктараў Валерыя Слюнчанкі і Сяргея Друшчыца. У адказах паведамляецца, што вуліцы імя В. Слюнчанкі не будзе, але адной з вуліц Нясвіжа з часам будзе прысвоена імя С. Друшчыца. Прачытаць лісты цалкам можна далей.

2016.06.28 1

Віктарына Баранавіцкай арганізацыі ТБМ да 220-годдзя Яна Чачота

Многія мясціны баранавіцкай зямлі звязаны з жыццём і творчасцю Яна Чачота. Баранавіцкае аддзяленне Таварыства беларускай мовы імя Ф. Скарыны запрашае жыхароў Баранавічаў і Баранавіцкага раёна прыняць удзел у віктарыне, прысвечанай 220-годдзю з дня нараджэння Яна Чачота. Прапануем адказаць на пытанні.

2016.06.10 2

Мінадукацыі: ВНУ маюць права ўключаць у вучэбны план магістратуры дысцыпліну "Беларуская мова. Прафесійная лексіка"

На свой ліст з прапановай уключаць у вучэбныя планы магістратуры дысцыпліну "Беларуская мова. Прафесійная лексіка" ТБМ атрымала адказ з Міністэрства адукацыі, у якім паведамляецца, што ВНУ маюць права ўключаць у вучэбны план ІІ ступені вышэйшай адукацыі дысцыпліну "Беларуская мова. Прафесійная лексіка" за кошт гадзін кампанента ўстановы адукацыі. Цалкам адказ можна прачытаць далей.

2016.05.31 0