Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Запрашаем на падрыхтоўчыя курсы Універсітэта імя Ніла Гілевіча

Універсітэт імя Ніла Гілевіча працягвае набор на падрыхтоўчыя курсы для вучняў 8-11 класаў, студэнтаў, а таксама для ўсіх, хто хоча ўдасканаліць свае веды па наступных прадметах: гісторыя Беларусі, матэматыка, фізіка, хімія, біялогія, беларуская, англійская, нямецкая і польская мовы. Выкладанне вядзецца па-беларуску.

2019.11.11 0

Выйшаў новы экалагічны каляндар "Не маўчы па-беларуску!" на 2020 год

Новы каляндар з папулярнай серыі “Не маўчы па-беларуску!” на 2020 год ад кампаніі “Будзьма беларусамі!” з’явіўся ў продажы.

Кожны год кампанія імкнецца парадаваць аматараў беларускага слова нечым новым. Гэтым разам каляндар прысвечаны важнай тэме – экалогіі. І з яго вы даведаецеся, як па-беларуску правільна называюцца і з’явы прыроды, і птушкі, і жывёлы, і расліны, і сузор’і, і многае іншае. А яскравыя малюнкі ад мастачкі Дашы Мандзік у апрацоўцы дызайнера Анатоля Лазара будуць натхняць на экалагічна адказныя паводзіны і ствараць пазітыўную атмасферу цягам усяго года!

2019.11.05 0

Створаны сайт праекта "Беларуская літаратура ў аўдыякнігах"

Праект "Беларуская літаратура ў аўдыякнігах" зрабіў вэб-дызайнер Аляксей Чаранкевіч. Працаваў над ім з верасня.

"Наго­дай для ства­рэння гэ­та­га сай­та ста­ла пу­блі­ка­цыя Мі­ні­стэр­ствам інфар­ма­цыі Рэс­пуб­лі­кі Бе­ла­русь ў ад­кры­ты дос­туп больш за сот­ні аў­ды­я­кніг на бе­ла­рус­кай мо­ве. Ня­гле­дзя­чы на вы­со­кую якасць за­пі­су і вар­тасць гэ­тых фай­лаў, аў­ды­я­кні­гі, на жаль, бы­лі апу­блі­ка­ва­ны пап­кай на Google Drive.Letapis.by па­спра­ба­ваў кры­ху вы­пра­віць сі­ту­а­цыю і зра­біў свой пар­ты­зан­скі на­ві­га­тар па гэ­тых фай­лах. Акра­мя за­пі­саў Мін­ін­фар­ма мы да­да­лі спа­сыл­кі на аў­ды­я­кні­гі з knihi.by і Ра­дыё «Сва­бо­да». Спіс бу­дзе па­паў­няц­ца. Дарэчы, мы не за­хоў­ва­ем у ся­бе фай­лы і не па­ру­ша­ем ні­чы­іх пра­воў. Але праз гэ­та наш сайт не мо­жа пра­па­на­ваць паў­на­вар­тас­ныя аў­ды­я­кні­гі з ад­мыс­ло­вым афар­млен­нем", — напісана на сайце lit.letapis.by.

2019.11.04 0

Журналісцкі конкурс “Беларусь заўтрашняга дня”

Каманда Мапы заўтрашняга дня і ГА “Беларуская асацыяцыя журналістаў” абвяшчаюць набор прац на конкурс “Беларусь заўтрашняга дня”.

На працягу восені 2019 года каманда Мапы ездзіць па гарадах і ладзіць Мапатоны:  знаёміцца з мясцовымі актывістамі/актывісткамі і ініцыятывамі, якія змяняюць сваё месца да лепшага, мапуе мясцовыя ініцыятывы і арганізацыі і такім чынам стварае Мапу заўтрашняга дня.

Конкурс дапаможа раскрыць рэгіянальныя супольнасці, актывістаў і актывістак, іх арыгінальнасць у вырашэнні мясцовых праблем і дасць маладым аўтарам і аўтаркам магчымасць праявіць сябе і падвысіць свой прафесіяналізм.

Каб прыняць удзел у конкурсе, трэба:

  • Пазначыць ініцыятыву на Мапе ці знайсці тую, якая ўжо пазначана.
  • Сустрэцца з гэтай ініцыятывай (актывістам) і напісаць матэрыял.
  • Апублікаваць артыкул у медыя альбо ў сваім блогу.
  • Да 15.12 даслаць спасылку на гэты матэрыял альбо фотаздымак публікацыі ў мясцовым папяровым выданні на пошту falanster.by@gmail.com . Для зваротнай сувязі ў лісце трэба ўказаць свае імя, прозвішча, нумар тэлефона і электронную пошту.

2019.10.30 0

Пахаванне Каліноўскага і іншых паўстанцаў 1863-64 гг. у Вільні

Беларускі грамадскі камітэт ушанавання памяці паўстанцаў 1863-1864 гг. інфармуе грамадства пра папярэдні план мерапрыемстваў з нагоды перапахавання Кастуся Каліноўскага і іншых паўстанцаў 1863-1864 гг. у Вільні.

Неўзабаве распачне працу адмысловы сайт.

Па ўсіх прапановах і за дадатковай інфармацыяй можна звяртацца па адрасу: kalinouski2019@gmail.com

2019.10.30 0

Створана петыцыя "Супраць русіфікацыі гімназіі г. Дзяржынска"

На сайце petitions.by збіраюць подпісы пад петыцыяй "Супраць русіфікацыі гімназіі г. Дзяржынска". Зварот плануецца даслаць у Міністэрства адукацыі Рэспублікі Беларусь і Савет міністраў праз 28 дзён. Пакуль сабраны 241 подпіс.

2019.10.22 0

Атрыманы адказ на петыцыю #Apple: Дадайце беларускую мову ў спіс моў на iOS і OSX

Аўтар петыцыі #Apple: Дадайце беларускую мову ў спіс моў на iOS і OSX на сайце change.org Мікіта Бышнёў паведаміў пра атрыманы адказ ад Apple. Паводле сп. Бышнёва: "Дадалі раскладку ў iOS 13 і вышэй". Таксама аўтар петыцыі паведамляе, што беларускай мовы сістэмы айфона пакуль няма.

2019.10.21 0

Выйшлі з друку рэкамендаваныя Навуковай радай Універсітэта імя Ніла Гілевіча "Уводзіны ў філасофію" па-беларуску!

Днямі выйшлі з друку "Уводзіны ў філасофію" па-беларуску! Да друку выданне рэкамендаванае Навуковай радай Універсітэта імя Ніла Гілевіча, фактычна - гэта адзін з будучых падручнікаў студэнтаў універсітэта.

Кніга дае кароткі агляд асноўных раздзелаў і пытанняў філасофіі як дысцыпліны і адначасова ўяўляе сабой хрэстаматыю абраных тэкстаў з гісторыі сусветнай і айчыннай грамадска-палітычнай і філасофскай думкі. Матэрыял размеркаваны ў межах дзевяці асноўных раздзелаў і ахоплівае большасць пытанняў стандартнага курса філасофіі. Фрагменты тэкстаў дастаткова рэпрэзентатыўныя для самастойнага вывучэння багацця і разнастайнасці дзвюх з паловай тысячагадовай гісторыі філасофскага здумлення.

 

2019.10.16 0

Навіны Універсітэта імя Ніла Гілевіча. Падзяка за ахвяраванні (абноўлена)

Рэктарат універсітэта імя Ніла Гілевіча выказвае вялікую падзяку сп. Мотуз Сяргею з Менска, сп. Язэпу Стэпановічу з Менска і сп. Невядомаму, якія ў верасні даслалі нам свае ахвяраванні.Таксама выказваем вялікую падзяку грамадзянам, якія ахвяравалі ў нашую бібліятэку разнастайную неабходную для ўніверсітэта літаратуру.

2019.10.16 0