Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Чарговая Рада ТБМ адбудзецца 3 лістапада (абноўлена)

Запрашаем сяброў Рады ТБМ 3 лістапада на пасяджэнне Рады.

Пачатак рэгістрацыі - 9:30.

Пачатак паседжання - 11:00.
 
Праект
Парадак дня:
1. Абмеркаванне вынікаў дзейнасці арганізацыі за 30 гадоў.
2. Вынікі выбарчай кампаніі 2019 г.
3. Рознае. 

Калі сябры Рады хочуць прапанаваць пытанне для абмеркавання, то просім дасылаць сваю прапанову на адрас siadziba@gmail.com з пазнакай "Рада ТБМ".

2019.10.25 0

Падтрымай перавыданне гульні "Паўстанцы"!

Антон Янкоўскі, стваральнік настольнай гульні “Паўстанцы”, падчас якой вы можаце паглыбіцца ў атмасферу паўстання 1863 года, збірае сродкі на яе перавыданне. Гульня ўпершыню выйшла ў 2013 годзе і набыла вялікую папулярнасць.

Падтрымай выданне гульні тут a4games.by/paustantsy.
 
У сваёй новай версіі настольная гульня набыла новы выгляд, стала больш дынамічнай, лагічнай і разнайстайнай. У “Паўстанцаў” цяпер ёсць два цікавыя дадаткі – “Праклён” і “Падзеі”, з’явілася багатае гістарычнае напаўненне.

 

2019.10.25 0

Створана петыцыя "Супраць русіфікацыі гімназіі г. Дзяржынска"

На сайце petitions.by збіраюць подпісы пад петыцыяй "Супраць русіфікацыі гімназіі г. Дзяржынска". Зварот плануецца даслаць у Міністэрства адукацыі Рэспублікі Беларусь і Савет міністраў праз 28 дзён. Пакуль сабраны 241 подпіс.

2019.10.22 0

Новая кніга Андрэя Адамовіча "Песня пра Цімура"

Выдавецтва Янушкевіч прапануе падпісчыкам да 27 кастрычніка (падпішыцеся на рассылку на сайце januskevic.by і выкарыстайце промакод ЦІМУР) набыць кнігу Андрэя Адамовіча "Песня пра Цімура" са зніжкай.

Раман "Песня пра Цімура" – насамрэч псіхадэлічная паэма ў прозе і адначасова дынамічны шпіёнскі трылер. Пачынаецца з таго, што ў Варшаву выпраўляецца агент беларускага КДБ капітан Капейкін. Радзіма паставіла перад ім цяжкую задачу – адшукаць загадкавага паэта-камуніста Цімура Хоміча. Для гэтага Паўлу Капейкіну трэба ўцерціся ў давер да багемных сяброў выклятага паэта – беларускіх мастакоў, рэжысёраў і кампазітараў. На фоне прыгодаў капітана аўтар шчодра высмейвае так званую беларускую інтэлігенцыю па асобах і беларускі народ агульна. Аляксандр Саладуха, Андрэй Горват, Сяргей Календа, Андрэй Куціла, Віталь Рыжкоў – і іншыя "дзеячы культуры" з’яўляюцца героямі рамана. 
 
Твор будзе цікавы найперш тым, хто стаміўся ад нудных тэкстаў па-беларуску і любіць захапляльныя гісторыі. Кніга выкліча вострае непрыняцце ў "змагароў" і іншых маралафагаў.

2019.10.22 0

Атрыманы адказ на петыцыю #Apple: Дадайце беларускую мову ў спіс моў на iOS і OSX

Аўтар петыцыі #Apple: Дадайце беларускую мову ў спіс моў на iOS і OSX на сайце change.org Мікіта Бышнёў паведаміў пра атрыманы адказ ад Apple. Паводле сп. Бышнёва: "Дадалі раскладку ў iOS 13 і вышэй". Таксама аўтар петыцыі паведамляе, што беларускай мовы сістэмы айфона пакуль няма.

2019.10.21 0

Выйшлі з друку рэкамендаваныя Навуковай радай Універсітэта імя Ніла Гілевіча "Уводзіны ў філасофію" па-беларуску!

Днямі выйшлі з друку "Уводзіны ў філасофію" па-беларуску! Да друку выданне рэкамендаванае Навуковай радай Універсітэта імя Ніла Гілевіча, фактычна - гэта адзін з будучых падручнікаў студэнтаў універсітэта.

Кніга дае кароткі агляд асноўных раздзелаў і пытанняў філасофіі як дысцыпліны і адначасова ўяўляе сабой хрэстаматыю абраных тэкстаў з гісторыі сусветнай і айчыннай грамадска-палітычнай і філасофскай думкі. Матэрыял размеркаваны ў межах дзевяці асноўных раздзелаў і ахоплівае большасць пытанняў стандартнага курса філасофіі. Фрагменты тэкстаў дастаткова рэпрэзентатыўныя для самастойнага вывучэння багацця і разнастайнасці дзвюх з паловай тысячагадовай гісторыі філасофскага здумлення.

 

2019.10.16 0

Навіны Універсітэта імя Ніла Гілевіча. Падзяка за ахвяраванні (абноўлена)

Рэктарат універсітэта імя Ніла Гілевіча выказвае вялікую падзяку сп. Мотуз Сяргею з Менска, сп. Язэпу Стэпановічу з Менска і сп. Невядомаму, якія ў верасні даслалі нам свае ахвяраванні.Таксама выказваем вялікую падзяку грамадзянам, якія ахвяравалі ў нашую бібліятэку разнастайную неабходную для ўніверсітэта літаратуру.

2019.10.16 0