Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

На дзейнасць ТБМ на ulej.by сабрана 3192 рублі! Спісы ахвярадаўцаў і падзяка

ТБМ паспяхова завяршыла кампанію па зборы сродкаў на бягучую дзейнасць і на рамонт офіса праз ulej.by.

Усяго планавалася сабраць 3000 рублёў, за 30 дзён было сабрана 106% ад першапачаткова запланаванай сумы (гэта 3192 рублі). Падтрымала арганізацыю праз платформу 57 чалавек (сярод якіх і заснавальнік tut.by Юрый Зісер, МТГ "RэZэрвацыЯ"група перакладчыкаў, мэтай якіх з'яўляецца стварэнне якасных беларускіх лакалізацый камп'ютарных гульняў і многія іншыя). ТБМ выказвае падзяку ўсім, хто падтрымлівае справай і фінансава. Разам адолеем усё!

Сярод ахвярадаўцаў 57 чалавек, але не ўсе пакінулі свае імёны публічнымі. Сярод тых, хто адкрыў сваё імя (імёны падаюцца ў тым напісанні, у якім яны зарэгістраваныя на сайце): Михаил Чварков, Anton Bielski, Vital Kutsyla, Васіль Герасімчык, МТГ RэZэрвацыЯ, Іван Арцімовіч, Навадворскі Юрый, Сілюкоў Сяргей, Святлана, Павел Капарыха, Азарынская Ірына, Андрей Тарасевич, Кацярына Тананко, Руткевіч Вераніка, Юрий Зиссер ,Васіль Кісляк, Александр Сотников, Anya, Лиза Довгалова, Ihar Kudraŭcaŭ, Марына Ярашук, Дмитрий Косицин, Ирина Бык, Siarhiej Mudračenka, Volha Abraztsova, Кацярына Жылінская.

2018.07.18 0

У сеціве з'явілася база дадзеных па драўлянай спадчыне Беларусі

Сайт "Драўляная спадчына Беларусі" створаны пры супрацоўніцтве з Веткаўскім музеям стараабрадніцтва і беларускіх традыцый імя Ф. Р. Шклярава vetka.museum.by

Сяргей Ляпін -архітэктар і  аўтар праекта, ,Аляксей Чаранкевіч -  дызайнер, Дзяніс Дзянісаў - распрацоўшчык.

Сам сп. Ляпін сайту tut.by распавёў, што "З кожным годам у Беларусі драўляных гістарычных будынкаў застаецца ўсё менш і менш. Дзесьці гаспадары збілі дэкор і вырашылі абшыць дом сайдынгам, у другім месцы сельсавет закапаў закінуты прыгожы будынак. А ў Гомелі гістарычныя драўляныя гарадскія сядзібы зносяцца яшчэ і пад шматпавярховікі. І сёння з гэтым наўрад ці штосьці можна зрабіць... Таму і ўзнікла ідэя стварыць інструмент, з дапамогай якога было б вельмі зручна захоўваць фотаздымкі драўляных дамоў. Гэты матэрыял спатрэбіцца для даследчыкаў драўлянай архітэктуры, а таксама можа быць карысным для аднаўлення найбольш цікавых будынкаў."ью:  https://news.tut.by/culture/598629.html?crnd=98303

2018.07.18 0

Гамяльчук высвятляе ва ўладаў, ці зможа ягоная дачка вучыцца па-беларуску ў першай класе

На сайце svaboda.org з'явілася навіна пра тое, што дзявяты месяц гамяльчук Сяргей Макрэнка высвятляе ў мясцовых уладаў, ці зможа ягоная дачка Саша вучыцца па-беларуску ў першай класе гомельскай сярэдняй школы № 5.

За паўтара месяца да пачатку навучальнага года шматдзетная сям’я 39-гадовага інжынера Сяргея Макрэнкі так і не атрымала ад чыноўнікаў уцямнага адказу, як будзе забяспечана права ягонай дачкі вучыцца на роднай беларускай мове.

Бацька траіх дзяцей кажа, што яшчэ летась у лістападзе праз электронную пошту звярнуўся ў школу № 5, каб высветліць умовы прыёму дзяцей на беларускамоўнае навучанне.

Цалкам навіна на сайце svaboda.org

2018.07.18 0

Выйшла кніга пра Мішэля Фуко па-беларуску

Іван Новік напісаў і выклаў на сайце academia.edu кнігу пра Мішэля Фуко "Дыскурсіўны аналіз М. Фуко як метад даследавання (беларускай) інтэлектуальнай культуры". Кніга напісаная па-беларуску і за сваю мэту ставіць укараненне дыскурсійнага аналізу Фуко, акрамя іншага, у метадалагічны інструментарый "інтэлектуальнай гісторыі Беларусі".

Больш пра падзею Антон Лявіцкі для nn.by.

 

 

2018.07.12 0

У сеціве з'явіўся пазнавальны новы 5-хвілінны мультфільм "Тысячагадовая гісторыя Гомеля"

У суполцы вк "Пошукі старога Гомеля" выклалі прыгожы і адукацыйны ролік "Тысячагадовая гісторыя Гомеля". Стваральнікі паведамляюць, што рабілі ролік паўгады і спадзяюцца на станоўчыя водгукі (каментары можна пакінуць у суполцы і на канале youtube).

Ролік для тых, хто даўно цікавіцца гісторыяй Гомеля, "гэтым мультфільмам мы не адкрыем новых амерык. Аднак для большасці гамяльчан, не кажучы ўжо пра жыхароў іншых мясцін Беларусі, многія падабраныя факты стануць адкрыццём", - пішуць аўтары мультфільма.

 

2018.07.11 0

Улады абяцаюць выдаць новыя правілы дарожнага руху і па-беларуску

Паводле svaboda.org Міністр унутраных спраў Ігар Шуневіч у афіцыйным лісце ад свайго міністэрства на імя дэпутаткі Палаты прадстаўнікоў, старшыні Таварыства беларускай мовы Алены Анісім паабяцаў выдаць новыя правілы дарожнага руху і па-беларуску.

2018.07.10 0

Гурт "Би-2" не забыў не толькі родны горад, але і беларускую мову

У канцы мінулага тыдня, 6 ліпеня, у Бабруйску прайшоў бясплатны open-air фестываль "Би-2 FEST", ініцыятарамі і хэдлайнерамі якога з'яўляліся ўдзельнікі гурта "Би-2". Паводле розных падлікаў мерапрыемства наведала ад 50 да 120 тысяч чалавек.

Гурт выказаў падзяку роднаму гораду, а на экранах сцэны з'явіўся тэкст на беларускай мове "Дзякуй, Бабруйск!"

2018.07.09 0

15 прапаноў Алены Анісім да "галоўнага ідэолага"

У мінулым месяцы дэпутатка Палаты прадстаўнікоў Алена Анісім сустрэлася з Уладзімірам Жаўняком, намеснікам кіраўніка Адміністрацыі прэзідэнта, які займаецца пытаннямі ідэалогіі. Прадметам сустрэчы стала распрацоўка праграмы пашырэння выкарыстання беларускай мовы ў інфармацыйнай, адукацыйнай сферах і ў заканадаўстве. Вось якія прапановы пакінула спн. Анісім сп. Жаўняку.

2018.07.09 0