"Новы час" пра канферэнцыю ТБМ "Нашы вякі — наша багацце"

Навукова-практычная канферэнцыя Таварыства беларускай мовы "Нашы вякі — наша багацце", што адбылася ў пятніцу, 6 верасня, у гатэлі "Манастырскі" ў Мінску, сабрала вялізны пул зацікаўленых: ад шматлікіх навукоўцаў — архітэктараў, філосафаў, юрыстаў і гісторыкаў — да супрацоўнікаў НДА і двух міністэрстваў.

2019.09.12 0

Знайдзі падтрымку сваёй ідэі на Idea Generation Camp

Выйграй падтрымку сваёй ідэі на Idea Generation Camp 28-29 верасня.

Idea Generation Camp — гэта конкурс. Па выніку 2 дзён журы абярэ 10 годных праектаў (ідэяў), якія атрымаюць падтрымку і будуць рэалізаваныя ў найбліжэйшы час.

ПАДАЦЬ ЗАЯЎКУ: https://igcamp.by/#registration

Якая тэма мерапрыемства: Idea Generation Camp — гэта пра ўсё, што звязана з экалогіяй, культурай, гарадскім развіццём, адукацыяй, правамі чалавека, актывізмам і г.д.

Idea Generation Camp — гэта некамерцыйнае мерапрыемства. Колькасць удзельнікаў: 120 чалавек. Удзел БЯСПЛАТНЫ. Даезд самастойны. 

Падача заявак да 19 верасня.

Падрабязная інфармацыя: igcamp.by

2019.09.11 0

Праект “Беларускамоўныя” ад Арт Сядзібы працягвае збор сродкаў (абноўлена)

У межах кампаніі "Назаві беларускую мову роднай у перапісе 2019" Арт-сядзіба (пр. Машэрава, 18) працягвае праект “Беларускамоўныя” і збірае сродкі на платформе molamola.by на яго ажыццяўленне. Плануюць сабраць 2000 рублёў, ужо сабрана 1390. Аўтар праекта Алесь Сьнег.

Беларускамоўныя — праект "Арт Сядзібы", накіраваны на папулярызацыю беларускай мовы, выяўленне стэрэатыпаў, звязаных з беларускай мовай і барацьбу з імі.
Беларускамоўныя — сустрэчы з носьбітамі беларускай мовы. Тут можна пачуць унікальныя гісторыі, звязаныя з выкарыстаннем беларускай мовы ў розных прафесіях і сферах жыцця. Свае гісторыі распавядаюць артысты, музыкі, паэты, людзі незвычайных прафесіяў, а таксама сантэхнікі, юрысты, прадавачкі.

2019.09.10 0

Упершыню ў Беларусі выступіць фолк-рытуал-гурт “Кулгрында” з Літвы (абноўлена)

Увосень, 20 верасня 2019 г., у Менску адбудзецца канцэрт рытуал-фолк музыкі, у якім упершыню возьме ўдзел літоўскі музычны гурт “Кулгрында” (Kūlgrinda).

2019.09.10 0

Просім сяброў ТБМ аплаціць унёскі за 2019 г. (абноўлена)

Сакратарыятам ТБМ памер штогадовых унёскаў для сяброў ТБМ быў зацверджаны наступны:

15 BYN за год – хто працуе, 7 BYN за год – пенсіянеры, 5 BYN за год – беспрацоўныя, 4 BYN за год – студэнты, 2 BYN за год  – школьнікі, грамадзяне РФ – 700 рас. руб., іншых краін – 10$ ці 10€.

Унёскі можна пералічыць на рахунак ТБМ BY84BLBB30150100129705001001 BIC BLBBBY2X у аддзяленні №539 ААТ "Белінвестбанка" УНП 100129705. Ахвяраванні можна пералічыць на рахунак ТБМ BY91BLBB31350100129705001001 BIC BLBBBY2X у аддзяленні №539 ААТ "Белінвестбанка" УНП 100129705 (бланкі спампаваць можна тут).

Тут інструкцыя па аплаце ўнёскаў праз АРІП.

2019.09.06 8

Вялікі электрычны канцэрт Лявона Вольскага (абноўлена)

Увосень, 26 кастрычніка, у клубе Prime Hall адбудзецца ўнікальны канцэрт Лявона Вольскага. Толькі падчас яго на адной сцэне загучаць хіты гуртоў Мроя, N.R.M., ZET і VOLSKI.

Гэтыя праекты трапілі ў свой час і нарадзілі хіты, якія спяваюцца дзесяцігоддзямі. Першы гурт музыкі – Мроя – выйшаў на вялікую сцэну 35 гадоў таму, падчас фестывалю ў Траецкім прадмесці, і на доўгія гады заняў месца лідара айчыннай рок-сцэны.

Калі: 26-га кастрычніка, 18.00

Дзе: клуб Prime Hall (Пераможцаў, 65)

 Квіткі: 30-65 руб у касах і на сайце аператара Kvitki.by, на сайце і ў касе Prime Hall.

Інфалінія: +375 33 661 14 32

2019.09.06 0

Адкрыты прыём заяваў на "Заспявай-6"

Сёлета канкурсантам дастаткова даслаць на разгляд сваю песню на любой мове. Пераможца атрымае 1500 BYN і не толькі.

Конкурс "Заспявай" ужо шосты раз ладзяць партал TuzinFM і дабрачынны фонд "Вяртанне". Мэта – злучыць сучасную беларускую музыку і сучасную беларускую паэзію. Падчас конкурса ўдзельнікі створаць і запішуць песню на адзін з абраных твораў.

Заявіцца на конкурс могуць выканаўцы ад 16 да 30 год. Перавага найперш аддаецца тым, хто не мае канцэртнага і студыйнага досведу і працуе (хоча працаваць) у стылях індзі-поп, электроніка і рэп. Для падачы заявы трэба даслаць прыклад сваёй творчасці (на любой мове) і папярэдне выбраць верш, на які будзе створана песня падчас конкурса. Выбраць верш і падаць заяву можна на старонцы конкурса.

2019.09.05 0

У мінскім садку запрацавала рознаўзроставая беларускамоўная група

Як паведамляе Наша ніва, у садку на Каліноўскага ў Мінску запрацавала рознаўзроставая беларускамоўная група. Бацькі вельмі задаволеныя.

Пра планы адкрыць рознаўзроставую беларускамоўную групу ў мінскім садку №210 бацькі паведамлялі яшчэ ў красавіку. Цяпер новую групу наведваюць 9 дзяцей.

2019.09.05 0

Часопіс “Бярозка” абвесціў конкурс "Дзёрзкія тэорыі беларускаці: мова, культура, гісторыя, міф"

З нагоды Дня беларускага пісьменства рэдакцыя “Бярозкі” абвесціла літаратурны конкурс для юных літаратараў і журналістаў "Дзёрзкія тэорыі беларускаці: мова, культура, гісторыя, міф".

Мы хочам, каб вы знітавалі мову з беларускай культурай і гісторыяй: напісалі твор. Прыдумайце, як утварыліся тыя ці іншыя ўнікальныя словы ці выразы, патлумачце, чаму яны маглі ўзнікнуць менавіта ў Беларусі. Твор можа быць навуковы, мастацка-публіцыстычны ці мастацкі: для нас няма розніцы, які стыль вам бліжэйшы, — для нас галоўнае, каб вы паказалі, што можаце карыстацца фактамі, прапаноўваць смелыя гіпотэзы і іх абгрунтоўваць. У вашым распараджэнні мноства слоўнікаў, сотні гадоў беларускай гісторыі, тысячы гістарычных фактаў і асоб, на якіх можна спаслацца… ці прыдумаць свае.

2019.09.04 0