Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Глеб Лабадзенка ў інтэрвью 34mag.net: "Вывучэнне мовы дзеля мовы – гэта проста абсурд"

Глеб Лабадзенка – вядоўца курсаў «Мова Нанова» – распавёў 34mag пра матывацыю, якая падштурхоўвае людзей размаўляць па-беларуску, пра ўладароў Нясвіжа і пра патаемны сэнс каўбасы «Вялікакняская».

 Герой:  Глеб Лабадзенка, 32 гады. Скончыў факультэт журналістыкі Беларускага дзяржаўнага ўніверсітэта (бакалаўрыят і магістратура). Стваральнік праекта «Мова Нанова», які ахоплівае аднайменныя курсы, праграму на «Белсаце», а таксама экскурсіі для турагенцтва «Віаполь».

 Ініцыятыва:  «Мова Нанова» – бясплатныя курсы беларускай мовы, якія існуюць са студзеня 2014 года. Іх канцэпцыя – неакадэмічнае вывучэнне мовы: лексіка і граматыка падаецца тут у інтэрактыўных формах з цікавымі гасцявымі спікерамі – прафесіяналамі з розных сфер. Курсы прынцыпова існуюць па-за палітыкай. Штотыдзень іх наведваюць каля 650 студэнтаў.

2019.06.18 0

Выйшаў “Верасень” № 20!

Дарагія сябры, шаноўныя аўтары і чытачы! Рады паведаміць!
Выйшаў з друку, дваццаты, юбілейны, нумар літаратурна-мастацкага часопіса “Верасень”.

2019.06.12 1

Зварот да рытэйлераў аб падтрымцы беларускай мовы

Таварыства беларускай мовы выступіла на чале ініцыятывы, якая зарадзілася ў Facebook-суполцы “Беларуская мова на спажывецкім рынку”. Ініцыятыву падтрымалі вядомыя беларускія фірмы, індывідуальныя прадпрымальнікі і публічныя асобы.

 

2019.06.03 0

В. а. рэктара Універсітэта імя Ніла Гілевіча выказвае ўдзячнасць за падтрымку дзейнасці ўніверсітэта

Сп. Алег Трусаў, які выконвае абавязкі рэктара Універсітэта імя Ніла Гілевіча, выказвае ўдзячнасць за падтрымку дзейнасці ўніверсітэта і звяртаецца да ўсіх, хто так ці інакш далучыўся да працы новай установы адукацыі.

Дарагія сябры!

У траўні завяршылі сваю працу падрыхтоўчыя курсы Універсітэта імя Ніла Гілевіча, якія паспяхова скончылі болей за 50 чалавек.

Гэта былі вучні 6-11 класаў, якія ўдасканальвалі свае веды па беларускай, польскай, англійскай і нямецкай мовах, а таксама па фізіцы, матэматыцы і хіміі.

З лістапада пачалі працаваць дзве групы для дарослых людзей, якія хацелі ўдасканаліць свае веды па англійскай і польскай мовах.
Са снежня дзейнічала група для тых, хто хацеў вывучаць гісторыю Беларусі.
Таксама хачу выказаць падзяку ахвярадаўцам Кавалюк А. М., Паўловіч А. Ю, Журок С. В., якія грашова падтрымалі дзейнасць універсітэта праз сістэму АРІП. Усе, хто хочуць дапамагчы ўніверсітэту, могуць скарыстацца інструкцыяй па спасылцы tbm-mova.by/news_2214.html.

2019.05.28 0

У офісе ТБМ прайшла міні-прэзентацыя новага альбома Віктара Шалкевіча

Сёння, 22 лютага, у офісе ТБМ прайшла міні-прэзентацыя новага альбома вядомага беларускага барда Віктара Шалкевіча "Viktar Šalkievič". На сустрэчы музыка выконваў свае песні, жартаваў, расказваў жыццёвыя (і не толькі) гісторыі. Некалькі дзясяткаў гасцей смяяліся, задавалі пытанні і проста адпачывалі пад песні музыкі. Пасля імпрэзы бард правёў і аўтограф-сесію.

 

2019.02.22 0

У офісе ТБМ прайшла Агульнанацыянальная дыктоўка

Сёння, 21 лютага, у офісе ТБМ прайшоў першы этап Агульнанацыянальнай дыктоўкі, прысвечаны Міжнароднаму дню роднай мовы. Дыктоўку пісалі і школьнікі, і пенсіянеры, і людзі рознага ўзросту. А чытала тэкст паводле Уладзімера Арлова былая настаўніца 50-й гімназіі г. Менска (цяпер на пенсіі) спн. Валянціна Драгун.

Памятнымі прызамі за ўдзел у штогадовай акцыі былі ўзнагароджаны некаторыя ўдзельнікі і спн. Валянціна Драгун.

2019.02.21 0

Старшыня ТБМ віншуе з Днём роднай мовы!

Паважаныя сябры! Віншую вас з Міжнародным днём роднай мовы. Родная мова спрыяе нам у жыцці, натхняе на ажыццяўленне розных спраў, дапамагае спраўляцца з нягодамі і цяжкасцямі, а часам, нібы матуля, ахінае нас цяплом, пяшчотай і не дае збочыць з правільнага шляху.
Вялікая падзяка ўсім, хто працуе з роднай мовай у сферы культуры, адукацыі, інфармацыі штодня.

Старшыня ТБМ

Алена Анісім

2019.02.21 0

Запрашаем на дванаццатую Агульнанацыянальную дыктоўку!

ТБМ запрашае ўсіх ахвотных прыняць удзел у дванаццатай Агульнанацыянальнай дыктоўцы, прысвечанай Міжнароднаму дню роднай мовы, 21 лютага ў офісе ТБМ (вул. Румянцава, 13). Пачатак у 18:00. 

Узоры дыктовак можна знайсці ў газеце "Наша слова", а таксама на нашым партале. Каб далучыцца да штогадовай традыцыі ў любым горадзе, вёсцы, мястэчку, хутары, нават у вандроўцы, дастаткова сабраць аднадумцаў, выбраць адзін з прапанаваных намі тэкстаў і абраць таго, хто будзе дыктаваць яго 21 лютага. Далучайцеся!

2019.02.13 0