Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Беларуская мова ў каталіцкім касцёле

Алег Трусаў, Ганаровы старшыня Таварыства беларускай мовы, напісаў водгук на кнігу беларускага рыма-каталіцкага святара, рэлігійнага дзеяча, тэолага, перакладчыка і публіцыста Уладзіслава Завальнюка "Да Бога - на роднай мове". Падаём тэкст водгуку.

 

2020.01.14 0

ТБМ віншуе ўсіх з Калядамі, Новым годам і з Раством!

Таварыства беларускай мовы шчыра віншуе ўсіх з цудоўнымі зімовымі святамі і выказвае падзяку за віншаванні, ахвяраванні і падтрымку. З узаемапавагай, аптымізмам, надзейнымі сябрамі, роднай мовай і святлом у душы стварайма лепшую Беларусь! Віншуем з Новым 2020-м годам!

2019.12.30 0

Віншуем сяброў ТБМ, якія нарадзіліся ў снежні і студзені!

Таварыства беларускай мовы шчыра віншуе ўсіх сяброў ТБМ, якія нарадзіліся ў снежні і студзені, зычыць здароўя, сілаў на ніве служэння Бацькаўшчыне і асабістага шчасця. Віншуем вас і з зімовымі святамі ды Новым 2020-м годам!

2019.12.29 1

Універсітэт імя Ніла Гілевіча ўдзячны за ахвяраванні

Дарагія сябры!

Рэктарат універсітэта імя Ніла Гілевіча віншуе ўсіх з Калядамі і Новым 2020-м годам і выказвае шчырую падзяку сп. Генадзю Лойку з Менска, сп. Леаніду Ралько з Баранавічаў, сп. Міколу Савулічу з м. Падсвілле, спн. Патрыётцы Беларусі з замежжа, сп. Паўловіч, спн. В.А. Крачкоўскай, сп. Паўлу Кізіку, якія ў снежні даслалі нам свае ахвяраванні. Таксама выказваем вялікую падзяку грамадзянам, якія ахвяравалі ў нашую бібліятэку разнастайную неабходную для ўніверсітэта літаратуру.

Ахвяраваць на працу ўніверсітэта можна пералічыўшы сродкі на наступныя рахункі:
ААТ «Белінвестбанк» BLBBBY2X (BIC) на Універсітэт імя Ніла Гілевіча УНП: 193050167. Асноўны рахунак: BY49BLBB30150193050167001001. Дабрачынны рахунак для ахвяраванняў: BY56BLBB31350193050167001001.

Таксама падтрымаць універсітэт можна праз сістэмы АРІП (Разлік), інструкцыя ёсць па гэтай спасылцы tbm-mova.by/news_2214.html. Любыя пытанні задавайце праз пошту nhuniversitet@gmail.com.

Вашыя грошы, у першую чаргу, пойдуць на аплату арэнды офіса ўніверсітэта і закупку падручнікаў для будучых студэнтаў.

З павагай і ўдзячнасцю,
в.а. рэктара Алег Трусаў

2019.12.28 0

З 2020 года павялічыцца памер унёскаў для сяброў ТБМ (абноўлена)

На апошняй Радзе ТБМ былі зацверджаныя наступныя памеры ўнёскаў з 1 студзеня 2020 г.: для працуючых 20 рублёў за год, для пенсіянераў і беспрацоўных - 10 рублёў, для студэнтаў - 7 рублёў. Для замежных сяброў - 15 даляраў і 15 еўра, для грамадзян РФ - 1000 расійскіх рублёў.

Наступная Рада прызначаная на 26 студзеня 2010 г.

2019.12.28 1

Да гісторыі газеты ТБМ "Наша слова". І каб газета не стала гісторыяй - падпісвайцеся! (абноўлена)

Выява - старая (магчыма, першая) рэклама на падпіску газеты "Наша слова". Газета выходзіць з 1990 г. і заснаваная першым старшынём Таварыства беларускай мовы Нілам Гілевічам. Дарэчы, рэклама недзе года 1991-а, калі яшчэ існавалі БССР і СССР. Сёння рэдактарам з'яўляецца Станіслаў Суднік, які ўжо многія гады робіць газету фактычна сваімі сіламі. Газета мае 2 сайты, адзін перадусім з архівам нумароў naszaslowa.by, другі - з вялікай колькасцю навін за дзень www.nslowa.by.

Сябры, заклікаем выпісваць друкаваную версію газеты "Наша слова" са снежня гэтага года (у сеціве нумар з'яўляецца праз тыдзень-два пасля выхаду). Падпісны індэкс такі самы, як на рэкламе: 63865. Кошт падпіскі за 1 месяц - 2,77 руб., за 3 месяцы - 8,31 руб., за 6 месяцаў - 16,62.

У самой навіне ніжэй здымак 1996 г. з старым складам рэдакцыі газеты, калі галоўным рэдактарам быў сп. Эрнест Ялугін.

2019.12.28 0

Запрашаем на апошнюю лекцыю ў межах "Гістарычнай школы" з Алегам Трусавым (абноўлена)

У межах "Гістарычнай школы" адбудзецца апошняя сустрэча цыклу з Алегам Трусавым. Сустрэча будзе прысвечана малому гораду Гарадзеншчыны: Шчучыну (28 лістапада, чацвер).

Лектарам з'яўляецца археолаг, гісторык беларускай архітэктуры, кандыдат гістарычных навук Алег Трусаў. Сустрэча будзе пачынацца з 18:20 у офісе ТБМ (вул. Румянцава, 13). Уваход вольны (без папярэдняй рэгістрацыі).

Чакаем у офісе ТБМ (вул. Румянцава, 13) у чацвер, 28 лістапада, з 18:20.

2019.11.26 0

Працягваецца збор сродкаў на выданне беларускіх чарадзейных казак з ілюстрацыямі Валерыя Славука

На краўдфандзінгавай платформе ulej.by працягваецца збор сродкаў на выданне беларускіх чарадзейных казак з ілюстрацыямі Валерыя Славука. "Вядзьмар, які рабіўся ваўком" — гэта трыццаць беларускіх казак з класічных збораў этнографаў XIX-XX стст. Паўла Шэйна, Еўдакіма Раманава, Міхала Федароўскага і Уладзіслава Вярыгі. Для гэтага выдання іх адабраў і апрацаваў па-новаму Антон Францішак Брыль. Непаўторныя ілюстрацыі да кнігі зрабіў знакаміты мастак Валерый Славук.

2019.11.25 0

Прайшла лекцыя "Гістарычнай школы" на тэму "Малы горад Гарадзеншчыны: Свіслач"

У чацвер, 21 лістапада, у межах "Гістарычнай школы" прайшла сустрэча з археолагам, гісторыкам беларускай архітэктуры, кандыдатам гістарычных навук Алегам Трусавым на тэму "Малы горад Гарадзеншчыны: Свіслач".

Таксама на сустрэчы было паказана некалькі стужак доктара гістарычных навук Алеся Краўцэвіча з серыі "Загадкі беларускай гісторыі" тэлеканала Белсат. Наступная сустрэча з Алегам Трусавым будзе прысвечана малому гораду Гарадзеншчыны: Шчучыну (28 лістапада, чацвер).

Сустрэча будзе пачынацца з 18:20 у офісе ТБМ (вул. Румянцава, 13). Уваход вольны (без папярэдняй рэгістрацыі).

2019.11.22 0

Прайшла сустрэча з паэтам і бардам Валерыем Пазнякевічам

Клуб "ПраМова" зладзіў у офісе ТБМ у сераду, 20 лістапада, сустрэчу з паэтам і бардам Валерыем Пазнякевічам.

На сустрэчы сп. Пазнякевіч спяваў пад гітару, чытаў вершы, распавядаў розныя гісторыі жыцця і прэзентаваў сваю кнігу.

2019.11.21 0