Можна казаць, што Полацкая гарадская суполка ТБМ утварылася амаль падчас стварэння ТБМ (27 чэрвеня 1989 года ў Мінску адбыўся Устаноўчы з’езд ТБМ), была абрана рэспубліканская Рада. У яе склад увайшоў Мікалай Макаравіч Пятрэнка, актыўны папулярызатар беларускага слова, кампазітар, педагог, які і стаў першым старшынёй Полацкай гарадской суполкі ТБМ. Памёр у 1997 годзе.

Валянціна Крук узначаліла гарадское аб’яднанне 12 траўня 2006 года і займала пасаду старшыні на працягу больш як дзесяці год. Пад яе кіраўніцтвам суполка ТБМ дасягнула найвышэйшага росквіту, была праведзеная безліч самых разнастайных імпрэз, рэалізаваны шэраг праектаў. У складзе Рэспубліканскай Рады Валянціна Крук з кастрычніка 2008 года. Доўгі час працавала дырэктарам Цэнтра рамёстваў і нацыянальных культур. Сёння Валянціна Іосіфаўна з’яўляецца намеснікам старшыні Полацкага гарадскога аб’яднання ТБМ.

30 кастрычніка 2016 г. на справаздачна-выбарчым сходзе старшынёй абраны Ігар Палынскі, журналіст, рэдактар тэлеканала «Саммит+ТВ», пазаштатны карэспандэнт Зялёнага партала, лідар рок-гурта «Sumarok».

Аб’яднанне мае пасведчанне №61 аб дзяржаўнай рэгістрацыі і юрыдычны адрас: вул.Ніжне-Пакроўская, 27, г. Полацк, Цэнтр рамёстваў і нацыянальных культур.

Падрабязна

Можна казаць, што Полацкая гарадская суполка ТБМ утварылася амаль падчас стварэння ТБМ (27 чэрвеня 1989 года ў Мінску адбыўся Устаноўчы з’езд ТБМ), была абрана рэспубліканская Рада. У яе склад увайшоў Мікалай Макаравіч Пятрэнка, актыўны папулярызатар беларускага слова, кампазітар, педагог, які і стаў першым старшынёй Полацкай гарадской суполкі ТБМ. Памёр у 1997 годзе.

Пасля Мікалая Пятрэнкі гарадскую арганізацыю ТБМ узначальвала Тамара Гарэлікава. Яна была дэлегатам 3 і 4 з’ездаў, уваходзіла ў склад Рэспубліканскай Рады. У Полацку Тамара Пятроўна працавала дырэктарам першай гімназіі, якая па назве і па сутнасці сапраўды была нацыянальнай.

12 красавіка 1997 года адбыўся 5-ты з’езд ТБМ. У склад Рэспубліканскай Рады ад Полацка была абрана Інэса Качарагіна (няма звестак). А ў 1999 годзе на 6-м з’ездзе ў склад Рады абраныя Часлаў Хрол (няма звестак) і пісьменнік Герман Кірылаў.

1 лістапада 1999 года Полацкае гарадское аб’яднанне атрымала пасведчанне аб пастаноўцы на ўлік №61, дата рэгістрацыі ў Мінюсце – 06.09.1999 года.

1 кастрычніка 2003 года старшынёй гарадской арганізацыі абрана Лера Сом. Алена Уладзіміраўна ўваходзіла ў склад Рады, якая была абрана 8 і 9 з’ездамі ТБМ. Яна добра вядомая як паэтка, пэўны час узначальвала літ’абяднанне «Наддвінне», зараз працуе настаўніцай у сярэдняй школе №5.

Валянціна Крук узначаліла гарадское аб’яднанне 12 траўня 2006 года і займала пасаду старшыні на працягу больш як дзесяці год. Пад яе кіраўніцтвам суполка ТБМ дасягнула найвышэйшага росквіту, была праведзеная безліч самых разнастайных імпрэз, рэалізаваны шэраг праектаў. У складзе Рэспубліканскай Рады Валянціна Крук з кастрычніка 2008 года. Доўгі час працавала дырэктарам Цэнтра рамёстваў і нацыянальных культур. Сёння Валянціна Іосіфаўна з’яўляецца намеснікам старшыні Полацкага гарадскога аб’яднання ТБМ.

30 кастрычніка 2016 г. на справаздачна-выбарчым сходзе старшынёй абраны Ігар Палынскі, журналіст, рэдактар тэлеканала «Саммит+ТВ», пазаштатны карэспандэнт Зялёнага партала, лідар рок-гурта «Sumarok».

Аб’яднанне мае пасведчанне №61 аб дзяржаўнай рэгістрацыі і юрыдычны адрас: вул.Ніжне-Пакроўская, 27, г. Полацк, Цэнтр рамёстваў і нацыянальных культур.