Таварыства беларускай мовы імя Ф.Скарыны

Мінск
Беларуская English
Увайсьці або зарэгістравацца
навіны

Куды звяртацца па дапамогу і як дапамагчы

У сувязі з тым, што адбываецца зараз у краіне, многія людзі выходзяць на мірныя дэманстрацыі і пакутуюць ад гвалтоўных дзеянняў збоку сілавых структур. Гэтыя людзі – сапраўдныя героі. Але не ўсе героі выходзяць на плошчы. Вялікая колькасць людзей, устаноў, арганізацый гатовыя аказваць любую дапамогу пацярпелым і іх семьям. Створаны фонд для збору сродкаў на аплату штрафаў, юрыдычных і медыцынскіх паслуг; створаны тэлеграм-каналы і чаты валанцёраў, што дапамагаюць з пошукам затрыманых, з дастаўкай іх дадому пасля таго, як іх выпусцілі (https://t.me/help_people_belarus  https://t.me/spiski_okrestina  https://t.me/jodinozaderjanie). Шмат якія спецыялісты прапануюць свае паслугі бясплатна. 

Шчыры дзякуй усім, хто не застаўся раўнадушным і прапануе свой час, свае рэсурсы і паслугі для нашых братоў і сясцёр, якія церпяць ад гвалту.

Але ў плыні бясконцых паведамленняў такія прапановы губляюцца, іх цяжка адшукаць. Каманда грамадскай культурніцкай кампаніі “Будзьма беларусамі!” пастаралася стварыць агульную базу канатктаў, па якіх можна атрымаць самую разнастайную дапамогу.

Гэты файл будзе папаўняцца і абнаўляцца па меры знаходжання новых прапаноў дапамогі

Як карыстацца базай:

1. Калі Вам штосьці патрэбна, глядзіце аркуш “дапамога” – тую сферу, што Вас цікавіць

2. Калі Вы самі жадаеце аказаць дапамогу, можна паглядзець аркуш “Ты можаш дапамагчы”. Калі Вы хочаце прапанаваць дакладныя паслугі для пацярпелых, пішыце што прапануеце, дзе, для каго, як з Вамі звязацца на скрыню stasyaky88@gmail.com альбо @Eva_Stasya; фэйсбук і мы ўнясем Вас і Вашу дапамогу ў базу.

3. Калі Вы знайшлі свой кантакт у аркушы “дапамога”, але ўмовы змяніліся (бо інфармацыя збіралася па розных чатах, суполках за розныя даты), таксама напішыце stasyaky88@gmail.com альбо @Eva_Stasya, каб мы выправілі і інфармацыя заставалася актуальнай.

Разам мы пераможам!

Крыніца budzma.by/

2020-08-19 0

Арцыбіскуп Кандрусевіч заклікае да пакаяння і прабачэння ў імя агульнанацыянальнага паяднання

У аўторак, 18 жніўня, ва ўспамін святой Алены, у касцёле святога Сымона і святой Алены Мітрапаліт Мінска-Магілёўскі арцыбіскуп Тадэвуш Кандрусевіч узначаліў цэлебрацыю святой Імшы за Беларусь.

2020-08-18 0

Рада інтэлігенцыі – на баку народа

Уся сёлетняя кампанія па выбарах прэзідэнта, як і ў папярэднія гады, праходзіла пад знакам самапрызначэння аднаго кандыдата – Аляксандра Рыгоравіча Лукашэнкі, які карыстаўся неабмежаваным манапольным доступам да ўсіх дзяржаўных СМІ дзеля ўласнага самапіяру. Некаторыя з прэтэндэнтаў, які пачалі набіраць найбольшую папулярнасць, былі арыштаваны. Усе астатнія кандыдатуры былі зарэгістраваны выключна для таго, каб забяспечыць яўку выбарнікаў і стварыць ілюзію палітычнай канкурэнцыі і дэмакратычнасці працэсу. Тым не менш народ скарыстаўся легальнай магчымасцю змены ўлады і зрабіў свой выбар. Падчас працэдуры датэрміновага і асноўнага галасавання адбыліся беспрэцэдэнтныя парушэнні з боку выбарчых камісій і ЦВК, што зафіксавана многімі назіральнікамі. Незалежных назіральнікаў не дапускалі да працэдуры падліку галасоў, ім адмаўляліся прад’яўляць выніковыя пратаколы. Журналістаў незалежных СМІ, якія вялі стрымы з выбарчых участкаў, затрымлівалі і вывозілі ў невядомым кірунку. Кандыдатка Святлана Ціханоўская, якая верагодна атрымала большасць галасоў, была вымушана з’ехаць з Беларусі. Такія факты ў сваёй сукупнасці дазваляюць прызнаць вынікі выбараў несапраўднымі. Недавер да афіцыйных вынікаў галасавання выказалі шматтысячныя групы людзей у розных гарадах Беларусі, якія выйшлі на вуліцы з мэтай адстаяць сваё права на годнае жыццё.

Нелігітымная ўлада схавалася за спіною сілавых структур і перайшла да гвалту ў дачыненні да ўласнага народа. Сваімі дзеяннямі па фальсіфікацыі вынікаў галасавання і жорсткім разгоне мірных пратэстоўцаў улада цалкам страціла давер грамадзян. Яна не мае ні маральнага, ні юрыдычнага права выступаць ад імя народу і прымаць любыя рашэнні на міжнародным узроўні.

Менавіта народ быў і застаецца адзіным паўнавартасным і паўнамоцным суб’ектам улады.Мы ганарымся тым, што беларускі народ сваімі штодзённымі пратэстнымі дзеяннямі нагадвае ўсяму свету, хто з’яўляецца сапраўдным гаспадаром у нашым беларускім доме.

Але такі стан не можа працягвацца надалей. Па ўзроўні жыцця мы даўно павінны былі стаць у адным шэрагу з заможнымі еўрапейскімі краінамі. Гэты шанс чарговы раз збіраюцца ў нас адабраць.

У цяперашняй сітуацыі процістаяння ўлады і народа мы бачым выйсце ў скліканні круглага стала, на які мы запрашаем прадстаўнікоў палітычных партый, грамадскіх аб’яднанняў Беларусі і ўладных структур. У выніку яго правядзення павінна быць выпрацавана прававая аснова выхаду з крызіснай сітуацыі і правядзення выбараў новай легітымнай улады.

Сакратарыят Рады беларускай інтэлігенцыі,

12 жніўня, Менск

2020-08-14 0

Выйшаў дваццаць другі нумар літаратурна-мастацкага часопіса "Верасень"

Паэзія ў выданні прадстаўлена вершамі Мілады Паўлавай, Вікторыі Смолкі, Кацярыны Массэ, Кацярыны Ваданосавай, Міколы Кандратава, Тамары Аўсяннікавай і Эдуарда Акуліна. Раздзел «Проза» складаюць апавяданні Уладзіміра Шыпілы, Сяргея Белаяра, Зміцера Дзядзенкі, Лявона Валасюка, Паўла Ляхновіча і Вінцэся Мудрова.     

Пытайце «Верасень» № 22 на сядзібе ТБМ (Румянцава,13). Чытайце “Верасень” на сайце: Kamunikat.org. Дасылайце свае творы ў “Верасень” на адрас: verasenchas@gmail.com

2020-06-14 0

ТБМ у Лічбах
600

Наладжана праца грамадскай бібліятэкі старажытнай беларускай кнігі, фонд якой складае звыш 600 асобнікаў рэдкіх і ўнікальных беларускіх кніг

ТБМ у дзеянні

Прайшлі першыя заняткі новага сезона "Гістарычнай школы" з Алегам Трусавым

Сёння, 27 чэрвеня, прайшлі першыя заняткі новага сезона "Гістарычнай школы" з Алегам Трусавым, археолагам, гісторыкам беларускай архітэктуры, кандыдатам гістарычных навук. На сустрэчу прыйшло два дзясяткі чалавек рознага ўзросту. Адкрывала сустрэчу старшыня ТБМ спн. Алена Анісім, якая адзначыла, што сёння асабліва адметны дзень не толькі дзякуючы заняткам гістарычнай школы, але і ў сувязі з 30-годдзем ТБМ.

Таксама на сустрэчы ладзіліся прагляды гістарычных фільмаў выбітнага гісторыка Алеся Краўцэвіча пра Мір і Мірскі замак, а Алег Трусаў распавёў пра тое, што засталося за кадрам.

Штомесяц будзе праведзена па 1-2 лекцыі, у якіх сп. Трусаў будзе распавядаць пра гісторыю розных гарадоў Беларусі, сярод якіх Мір, Слонім, Валожын, Мсціслаў і мястэчка Івянец. Тэма другой сустрэчы - "Старажытны Мсціслаў".

Чакаем у офісе ТБМ (вул. Румянцава, 13)  4 ліпеня ў 18:20. Уваход вольны.

2019-06-27 0

Часопісу "Верасень" 10 год, Таварыству беларускай мовы - 30!

Учора, 1 ліпеня, у менскім офісе ТБМ адбылася літаратурная сустрэча з паэтам, бардам, галоўным рэдактарам часопіса "Верасень" сп. Эдуардам Акуліным. Сустрэча была прымеркаваная да дзесяцігоддзя літаратурна-мастацкага часопіса “Верасень”, дваццаты нумар якога выйшаў зусім нядаўна.

На мерапрыемства трапіла некалькі дзясяткаў чалавек, адкрывалі сустрэчу старшыня ТБМ спн. Алена Анісім і Ганаровы старшыня арганізацыі сп. Алег Трусаў. Акрамя іншага сустрэча праходзіла ў межах святкавання 30-годдзя ГА "Таварыства беларускай мовы імя Францішка Скарыны".

2019-07-02 0

Навіны Універсітэта імя Ніла Гілевіча: пададзены пакет дакументаў для атрымання ліцэнзіі (абноўлена)

У пятніцу, 19 ліпеня, старшыня Таварыства беларускай мовы Алена Анісім (ТБМ з'яўляецца заснавальнікам універсітэта) падала падрыхтаваны рэктаратам Універсітэта імя Ніла Гілевіча першы неабходны пакет дакументаў на атрыманне ліцэнзіі для набору студэнтаў ужо на 2020 год, прынамсі, на гэта вялікі спадзеў.

Нагадаем, што ў аўторак, 2 ліпеня, адбылося пасяджэнне рэктарата Універсітэта імя Ніла Гілевіча, на якім былі падведзены вынікі дзейнасці за час атрымання рэгістрацыі і было вырашана ў гэтым месяцы цалкам падрыхтаваць і падаць пакет дакументаў на атрыманне ліцэнзіі для набору студэнтаў ужо на 2020 год па 4-х спецыяльнасцях. Акрамя іншага, сярод дакументаў і 18 вучэбна-метадычных комплексаў, падрыхтаваных нашымі выкладчыкамі.

Таксама кіраўніцтва Універсітэта імя Ніла Гілевіча ўдзячнае за фінансавую падтрымку. У першую чаргу, выказваем падзяку спн. Мотуз і спн. Мікульскай.

Калі маеце магчымасць падтрымаць універсітэт, то па гэтай спасылцы ёсць інструкцыя. Любыя пытанні задавайце праз пошту nhuniversitet@gmail.com.

Чытайце пра нас на сайце ўніверсітэта www.nhu.by і ў інстаграме www.instagram.com/nhu.by.

2019-07-19 0

Да свайго 30-годдзя Таварыства беларускай мовы выпусціла адмысловыя паштоўкі, асадкі і магніцікі

Грамадскае аб'яднанне "Таварыства беларускай мовы імя Ф. Скарыны" святкуе юбілей, 27 чэрвеня 2019 г. нам споўнілася 30 гадоў! З гэтай нагоды ТБМ ладзіць шэраг мерапрыемстваў і ініцыятыў.

Так, за ліпень адбылася творчая сустрэча з паэтам Эдуардам Акуліным і прэзентацыя 20-га нумара часопіса "Верасень", якому ўжо 10 гадоў, прайшла літаратурная сустрэча з пісьменніцай, педагогам Ганнай Севярынец, адбылася экскурсія да 200-годдзя кампазітара Станіслава Манюшкі.

Таксама з нагоды 30-годдзя мы выпусцілі адмысловыя паштоўкі, асадкі і магніцікі з сімволікай ТБМ.

2019-08-21 0